Tafakari

“Nami ningependa kuwakusanya kama vile kuku awakusanyavyo vifaranga vyake chini ya mbawa zake.” — Mathayo 23:37

Kuku humkusanya kila kifaranga chini ya mbawa zake bila kuchoka. Ndivyo Kristo anatuita tujikabidhi kwake, atulinde na kutufariji.

“Kristo yuko tayari kukusanya watoto wake chini ya ulinzi wake wa upendo.” - The Desire of Ages , uk. 517

Yesu, nikusanye chini ya mbawa zako. Nifundishe kutulia ndani ya ulinzi wako.

“Kama ayala atendaye haraka kwenda kwenye chemchemi za maji...” — Zaburi 42:1

Mbwa mwitu huukumbuka msitu alikotoka. Vivyo hivyo, roho ya mwanadamu ina kiu ya kurudi kwa Muumba wake.

“Kuna pengo moyoni pa mwanadamu ambalo linaweza kujazwa na Mungu tu.” — Steps to Christ, uk. 21

Roho yangu yakutafuta Wewe, Mungu wangu. Unirudishe karibu nawe kila siku.

“Bwana ndiye mchungaji wangu, sitapungukiwa na kitu.”— Zaburi 23:1
Kondoo humtegemea mchungaji wake kikamilifu. Huu ndio wito wetu - kujinyenyekeza mbele za Mungu kama watoto.

“Wale waliotayari kufundishwa, ndio wanaopokea baraka za Mungu.” — Christ’s Object Lessons, uk. 59

Nifundishe kuwa mnyenyekevu kama kondoo na nikutegemee kila siku.

“Enenda kwa mchwa... ujifunze hekima.” — Mithali 6:6
Mchwa hufanya kazi bila kufuatiliwa, hujipanga, na hujenga bila malalamiko. Mungu hutubariki tunapokuwa na moyo wa bidii na kujipanga.

 “Nidhamu ya maisha ya kila siku ndiyo msingi wa mafanikio ya kiroho.” — CG, uk. 111

 Nijalie moyo wa mchwa; mwenye bidii, mpangaji, asiyechoka kufanya mema.

“Uaminifu nafadhili vitakufuata...” — Zaburi23:6

Mbwa humfuata bwana wake bila masharti. Ndivyo tunavyopaswa kumfuata Kristo - si kwa faida bali kwa upendo na uaminifu.

“Uaminifu ni kipimo cha tabia ya kweli.” — Ed,uk. 57

 Bwana, nifanye niwe mwaminifu kwako, hata ninapoona kama hujibu maombi yangu.

“Kwa saburi zenu mtaziponya nafsi zenu.” — Luka 21:19

Kobe si wa haraka, lakini haachi kusonga. Safari ya imani si ya mbio, bali ya uaminifu wa kila hatua.

"Subira ni ushuhuda wa imani hai, na ni madoido ya tabia ya Kikristo." — E.G. White, My Life Today, uk. 52

Nifundishe kutembea kwa utulivu na subira, nikijua kwamba nawe watembea nami.

“Mwenye haki huwa na ujasiri kama simba.” — Mithali 28:1

Simba hutamba kwa ujasiri hata akiwa peke yake. Mwana wa Mungu anapaswa kuwa hivyo: ukijiona kuwa uko peke yako, hauko peke yako - Mungu yuko upande wako.

"Wale wanaosimama kwa ajili ya haki, hata iwe kinyume na maoni ya dunia yote, watapewa msaada wa mbinguni." — Ellen G. White, Patriarchs and Prophets, uk. 249

Bwana, nijalie moyo wa simba — nisiogope kusimama nawe hata ninapokuwa peke yangu.

“Watapaa juu kwa mbawa kama tai...” — Isaya 40:31

Tai ni ndege mwenye nguvu, maono makali, na ujasiri wa kipekee. Anapokutana na dhoruba, haikimbii - hutumia upepo mkali wa dhoruba hiyo kupaa juu zaidi.
Hii ni picha ya mtu anayemtegemea Mungu: badala ya kukata tamaa, huinuliwa zaidi katikati ya changamoto.

 Unaweza kuwa kwenye hali ngumu sasa, lakini kwa imani, unaweza kuinuliwa juu zaidi ya hofu, huzuni na mashaka.

 Usiogope dhoruba - inaweza kuwa daraja lako la kuinuliwa.

Kuna nyakati ambapo hatuoni mwanga wowote mbele. Maombi yanapokuwa kimya, njia zikiwa hazieleweki, na moyo ukilemewa na maswali yasiyo na majibu ndipo imani ya kweli hujaribiwa. Imani si kuona, bali ni kuamini hata pasipo kuona.

Abrahamu aliitwa aondoke bila kujua aendako. Ayubu alipoteza kila kitu lakini bado alisema, “Naam, ajaponiua, bado nitamtumaini.” (Ayubu 13:15) Hii ndiyo imani inayotembea gizani—imani isiyoegemea hali, bali inayoegemea tabia ya Mungu.

Wakati huoni mbele, Mungu bado anaona mwisho toka mwanzo. Tunaposhindwa kuelewa, tunaitwa kutumainia. Imani ni mshikamano na Mungu, si kwa sababu ya majibu tunayopata, bali kwa sababu ya Yeye aliyeahidi kuwa pamoja nasi daima.

Andiko la Kimaandiko:
“Maana twaenenda kwa imani, si kwa kuona.” — 2 Wakorintho 5:7

Nukuu ya Roho ya Unabii:
“Wale ambao kweli wanamtegemea Mungu wataonyesha imani hata katika nyakati za giza na kushindwa kuelewa.” — The Ministry of Healing, uk. 482

Hata kama njia inaonekana kufunikwa na mawingu, tembea kwa imani. Mungu yupo katika giza kama alivyo katika mwanga. Mshike mkono Wake na songa mbele kwa sababu imani yako haitegemei hali, bali ahadi.

Katika safari ya maisha, ni rahisi kuangalia chini—kwenye changamoto, huzuni, au matatizo yanayotuzunguka. Tunapopoteza mtazamo wetu kwa Mungu, moyo hujaa wasiwasi, hofu, na kukata tamaa. Lakini Biblia inatuhimiza:
“Natazama milimani, msaada wangu watoka wapi? Msaada wangu watoka kwa Bwana, aliyezifanya mbingu na nchi.” — Zaburi 121:1-2

Kumtazama Mungu ni kuchagua kuamini kuwa Yeye ni mkuu kuliko shida zako. Ni kujikumbusha kuwa, hata kama huoni suluhisho, bado Mungu anao mpango. Ni kumtazama Yeye kwa imani, hata wakati macho ya kawaida hayaoni njia.

Watu wa Mungu daima wameitwa kuinua macho yao. Ibrahimu aliambiwa “tazama juu” na aamini ahadi ya kizazi. Stefano alitazama juu na kumuona Yesu akiwa upande wa kuume wa Mungu. Hata sasa, Yesu anasema: “Mkinyanyua vichwa vyenu… ukombozi wenu umekaribia.” (Luka 21:28)

Andiko la Kimaandiko:
“Basi, mkiwa mmefufuliwa pamoja na Kristo, yatafuteni yaliyo juu Kristo aliko, ameketi mkono wa kuume wa Mungu.” — Wakolosai 3:1

Nukuu ya Roho ya Unabii:
“Tukimtazama Yesu, tutabadilishwa kwa mfano wake. Tabia yake itadhihirika ndani yetu.” — Steps to Christ, uk. 70

Chagua kuinua macho yako. Usikazie fikira giza lililo mbele yako—angalieni Nuru ya Ulimwengu. Macho yako yakimtazama Kristo yatakuongoza kwenye amani, tumaini, na ushindi.