Tafakari

“Dhiki hufanya kazi ya uvumilivu...”— Warumi 5:3
Kipepeo hutokea kwenye kifuko kwa tabu, lakini hiyo ndiyo njia yake ya kupata nguvu za kuruka. Vivyo hivyo, majaribu hujenga nguvu ya kiroho.

 “Majaribu ni shule ya mafunzo ya tabia.” — Messages to Young People, uk. 63

 Bwana, nisaidie kuiona dhiki kama chombo cha kunijenga, si kunibomoa.

“Wamngojeao Bwana watapata nguvu mpya...” — Isaya 40:31
Ayala huweza kusimama juu ya miamba mikali akisubiri kwa utulivu. Tumaini letu kwa Mungu hutufanya tusimame hata katikati ya magumu.

“Wanaomngojea Bwana kwa imani hupokea nguvu zisizo shindwa.” — The Faith I Live By, uk. 119

Bwana, nijalie tumaini na subira ninapokusubiri uingilie.

“Uwe mwaminifu hata kufa...” — Ufunuo 2:10
Kasa hurudi mahali alipozaliwa ili kutaga mayai, hata baada ya safari ya miaka. Uaminifu wa kweli huendelea bila kujali umbali au muda.

“Mungu huthamini uaminifu zaidi ya mafanikio ya nje.”— Christ’s Object Lessons, uk. 356

Bwana, ni jaliemoyo wa uaminifu katika kila wito ulionipa.

“Msimame imara, mkivaa silaha zote za Mungu...” - Waefeso 6:11
Chui hupambana kwa makini na huchagua muda sahihi kushambulia au kujilinda. Mkristo pia anaitwa kuwa makini kupambana na majaribu kwa silaha za kiroho.

“Hakuna ushindi wa kweli usio husisha mapambano dhidi ya dhambi.” — Steps to Christ,uk. 43

Bwana, nijalie nguvu ya kupambana na majaribu kwsa ushindi wako.

“Ajikwezaye atashushwa, na ajishushaye atakwezwa.”— Mathayo 23:12
Jogoo hupenda kujionesha na kupiga kelele mbele ya wote. Mkristo anaitwa kuacha kiburi na kutafuta unyenyekevu wa kweli.

 “Kiburi ndicho chanzo cha kuanguka kwa wengi waaminio.”— The Desire of Ages, uk. 302

 Bwana, vunja kiburi ndani yangu, na nijalie moyo wa unyenyekevu kama wa Kristo.

“Kiongozi mwema huchunga kundi lake kwa upole na busara.” — Isaya 40:11
Tembo huongoza kundi lake kwa utulivu, busara na ulinzi. Uongozi wa kweli haujionyeshi kwa nguvu bali kwa kuwajali wengine.

 “Uongozi wa kweli hujifunzwa kwa unyenyekevu na huduma.”— Education, uk. 57

Bwana, nifundishe kuongoza kwa upole kama tembo, si kwa kutawala bali kwa kutumikia.

“Muwe na busara kama nyoka, wapole kama njiwa.”— Mathayo 10:16
Nyoka hujua kujilinda na kujificha. Tunapaswa kuwa na hekima ya kiroho - kutambua hatari bila kuwa waoga.

 “Mungu hutupa akili za kutambua mabaya, si za kuogopa kuyashinda.” — Christ’s Object Lessons, uk. 110

 Bwana, nijalie hekima ya kutambua hila za Shetani na moyo wa kutegemea nguvu zako.

“Heri wanyonge maana watairithi dunia.” — Mathayo 5:5
Ng’ombe huvumilia kazi nzito bila malalamiko. Vivyo hivyo, tunaalikwa kuwa na moyo wa kutumika kwa upole na uvumilivu hata tunapochoka.

Kristo alituonyesha mfano wa kutumikia kwa upendo bila kudai malipo.” — The Ministry of Healing, uk. 19

Bwana, nijalie moyo wa kutumika kwa uvumilivu kama ng’ombe shambani.

 “Tumeweka lijamu kinywani mwa farasi ili watutii.”— Yakobo 3:3
Farasi aliyezoezwa hutii hata kwa mguso mdogo. Huo ndio moyo ambao Mungu anautafuta — uliotayari kutii hata bila kushurutishwa.

 “Utii wa kweli ni matokeo ya upendo wa moyoni.”— Steps to Christ, uk. 60

 Bwana, nisaidie kuwa mwepesi kutii sauti yako hata pale nisipoelewa njia ninayoipitia.

Hekima ni bora kuliko nguvu.” — Mhubiri 9:16
Nyuki ni viumbe wadogo lakini wana nidhamu, ushirikiano na lengo la pamoja. Wanaishi kwa kujenga, si kubomoa.

 “Umoja na kazi kwa kushirikiana ndio ushindi wa kazi ya Mungu.” — Testimonies for the Church, Juzuu 4, uk. 538

Nifundishe kufanya kazi kwa hekima, umoja na unyenyekevu kama nyuki.